Koinotni kuzatish uchun juda qulay manzil hisoblanadigan Chilidagi Atakama sahrosida dunyodagi eng katta Ulkan Magellan teleskopi (GMT) qurilishi boshlandi. 11-noyabr, chorshanba kuni mamlakat prezidenti Mishel Bachelet unga birinchi tosh qo‘yish marosimida ishtirok etdi, deya xabar beradi “TASS”.
Teleskopning bosh ko‘zgusi diametri 25,4 metrga teng. Qurilma “Xabll” koinot teleskopidan o‘n karra tiniqroq tasvir olish imkonini beradi. Teleskop 22 qavatli uy balandligidagi gumbaz ostida bo‘ladi. Olimlar uning yordamida Quyosh tizimidan tashqarida joylashgan samoviy jismlar haqida ko‘proq ma’lumot olish, Yerga o‘xshash sayyoralarni topish niyatida.
2500 metr balandlikda joylashgan astronomik qurilma 2021-yilda foydalanishga topshirilishi ko‘zda tutilgan. Uni bunyod etishga 500 million dollardan ziyod mablag‘ sarflanadi. Loyihada AQSh, Avstraliya, Braziliya, Janubiy Koreya va Chili ishtirok etmoqda.
Izoh (0)