ЮКОС собиқ акциядорлари ўз пулларини қайтариб ола бошлади

ЮКОС банкрот деб эълон қилинганидан ўн йил ўтиб, қачонлардир Россияда энг йирик бўлган нефть компаниясининг ўн минглаб собиқ акциядорлари, ниҳоят, ўз пулларини қайтариб олишни бошлади, дея хабар бермоқда «РБК». Биринчи босқичда улар 337 миллион долларни қўлга киритиши мумкин.

11 ноябрь куни, 2005 йилда ЮКОСнинг хорижий активларини ҳимоя қилиш учун яратилган икки штихтинг (голланд трасти шакли)дан бири пул маблағларини нефть компаниясининг собиқ акциядорлари фойдасига тақсимлаш бошлангани ҳақида эълон қилди. Бу шуни англатадики, ЮКОС акцияларига инвестиция киритган ўн минглаб сармоядорлар ўзлари кўрган зарар учун товон пулига эга бўлади.

Эслатиб ўтамиз, 2006 йилда Москва ҳакамлар суди солиқ органи аризаси билан ЮКОСни банкрот деб эълон қилган, унинг асосий активлари «Роснефть»га ўтган эди. ЮКОС собиқ акциядорлари Гаага судига мурожаат қилиб, компания мажбуран тортиб олингани учун товон пули талаб қилган.