JCh—2018 saralash bahslari doirasida 12-noyabr kuni Toshkentda o‘tkazilgan KXDRga qarshi o‘yinda gol urgan hujumchi Aleksandr Geynrix O‘zbekiston milliy terma jamoasidagi gollari sonini 30 taga yetkazdi. Bu haqda “Stadion.uz” xabar bermoqda.
Ayi vaqtda Qozog‘istonning “Ordabasi” futbol klubida faoliyatini davom ettirayotgan futbolchi Mirjalol Qosimovning natijasini takrorladi.
Aleksandr milliy terma jamoadagi 85-o‘yinida mazkur natijani takrorlagan bo‘lsa, Qosimov terma jamoada o‘tkazgan jami 66 o‘yinida 30 ta gol urishga muvaffaq bo‘lgandi.
Geynrix ham, Qosimov ham milliy terma jamoa to‘purarlari ro‘yxatida 2-o‘rinni egallab turibdi. Ro‘yxatda hujumchi Maksim Shatskix peshqadam — u 60 uchrashuvda 34 ta gol urgan.
KXDRga qarshi o‘yinda hisobni tenglashtirgan Igor Sergeyev milliy terma jamoadagi 10-, KXDR darvozasiga uchinchi golni urgan Odil Ahmedov esa termadagi 15-golini o‘z hisobiga yozdi. Uchrashuv 3:1 hisobida O‘zbekiston milliy terma jamoasi g‘alabasi bilan yakunlandi.
Izoh (0)