Futbol bo‘yicha 2016-yilgi Yevropa chempionati (Yevro—2016) saralash pley-off bosqichining dastlabki o‘yinlari boshlandi. “Stadion.uz” xabariga ko‘ra, 12-noyabr kuni Norvegiya terma jamoasi o‘z maydonida Vengriyani qabul qildi.
Uchrashuvning 26-daqiqasida Laslo Klyaynxaysler tomonidan kiritilgan gol Vengriyaga g‘alaba keltirdi. Juftlikning javob uchrashuvi 15-noyabr, yakshanba kuni o‘tkaziladi.
Ma’lumot uchun, 13—14-noyabr kunlari pley-offning qolgan uch juftligi ham o‘z uchrashuvlarini o‘tkazadi. Xususan, 13-noyabr kuni Bosniya va Gersegovina — Irlandiya, 14-noyabr kuni esa Ukraina — Sloveniya, Shvetsiya — Daniya uchrashuvlari bo‘lib o‘tadi.
Yevro-2016 saralash, pley-off, dastlabki o‘yin
NORVEGIYA — VENGRIYA 0:1 (0:1)Gol: Klyaynxaysler (26).
NORVEGIYA: Nyuland, Forren, Xovland, Xegli, Elabdellaui, Shelbred (Xellann, 86), Tetti, Yuxansen, Xenriksen, Berget (Elyunussi, 74), Toft-Soderlund (Pedersen, 61).
VENGRIYA: Kiray, Guzmich, Kadar, Fiola, Lang, Elek, Klyaynxaysler (Nad, 72), Jujak (Lovrenchich, 76), Gera, Nemet, Salai (Prishkin, 90).
Izoh (0)