Yevropa Ittifoqi 25-noyabrda 20 yevrolik yangi kupyurani muomalaga kiritadi. Unda grek afsonalaridagi Yevropa portreti aks ettirilgan, bukkanda esa gologrammalardan biri kamalak rangida tovlana boshlaydi, deya xabar beradi “Norma”.
Yangi kupyuraning chiqarilishi eski pul belgilarini qalbakilashtirishga qarshi kuchliroq himoyaga ega bo‘lgan yangi kupyuralarga bosqichma-bosqich almashtirish dasturi doirasida amalga oshirilmoqda. Ayni paytda 5 va 10 yevro qiymatidagi yangi kupyuralar ( tegishli ravishda 2013-yil may va 2014-yil sentabr oylarida joriy etilgan) foydalanishda, navbat 50, 100, 200 va 500 yevroga.
“Yevropa” turkumidagi banknotda Yevroittifoqning yangi xaritasi ham aks ettirilgan. Unga suv belgilari va gologrammalar qo‘shilgan. Hajmi va umumiy ranglar ko‘rinishi jihatidan yangi “yigirmatalik” oldingisidan farq qilmaydi.
Ta’kidlash joizki, eski 20 yevrolik kupyura ko‘p qalbakilashtiriladigan pullar sirasiga kirardi. Musodara etilgan soxta kupyuralarning 60 foizi aynan 20 yevrodan iborat. Keyingi o‘rinda qalbaki pullarning 26 foizini tashkil etuvchi 50 yevro qayd etilgan. O‘tgan yili aniqlangan soxta yevrolar miqdori 2013-yilga nisbatan 25 foizga ko‘paygan.
Izoh (0)