Londonning “Chelsi” futbol klubi bosh murabbiyi Joze Mourinyo Tartib-intizom qo‘mitasi tomonidan futbol bo‘yicha Angliya Premer-ligasining bitta uchrashuvidan diskvalifikatsiya qilindi. Bu haqda “Olamsport” xabar bermoqda.
Xabar berishlaricha, Tartib-intizom qo‘mitasi Mourinyoning “Vest Xem”ga qarshi APL 10-tur uchrashuvidagi harakatlarini o‘rganib chiqib, shunday qarorga kelgan.
Shu tariqa, Mourinyo 12-turda “Stok Siti” bilan bo‘lib o‘tadigan o‘yinni muxlislar orasida tomosha qiladi. Bundan tashqari, portugaliyalik mutaxassis 40 ming funt-sterling miqdorida jarima ham to‘laydi.
Eslatib o‘tamiz, Joze Mourinyo “Vest Xem”ga qarshi o‘yinning tanaffusi chog‘ida hakamlar xonasiga bostirib kirishga uringani uchun maydondan chetlatilgan edi. O‘sha o‘yinda “Chelsi” mag‘lubiyatga uchragan.
Izoh (0)