Futbol bo‘yicha Rossiya terma jamoasining sobiq bosh murabbiyi, italiyalik Fabio Kapello “Chelsi” klubi ustozi Joze Mourinyoning o‘rnini egallash niyatida. Bu haqda The Sun nashriga tayanib, “Interfaks” xabar berdi.
Angliya Premyer-ligasining joriy mavsumida “Chelsi” 11 turdan so‘ng 11 ochko to‘plab, turnir jadvalida atigi 15-o‘rinda borayotgani portugaliyalik murabbiyning yaqin orada iste’foga chiqarilishi to‘g‘risidagi ovozalarga sabab bo‘ldi. Biroq The Sun ma’lumotlariga ko‘ra, klub egasi Roman Abramovich Mourinyoga Chempionlar Ligasida “Dinamo” (Kiyev) va Angliya chempionatida “Stok Siti”ga qarshi o‘yinlarda o‘zini ko‘rsatishi uchun imkoniyat bergan.
Kapellodan tashqari, “Chelsi” bosh murabbiyligiga nomzodlar orasida Gus Xiddink va Karlo Anchelotti nomlari ham tilga olingan.
Izoh (0)