Лондоннинг «Челси» футбол клуби бош мураббийи Жозе Моуриньо Тартиб-интизом қўмитаси томонидан футбол бўйича Англия Премер-лигасининг битта учрашувидан дисквалификация қилинди. Бу ҳақда «Оламспорт» хабар бермоқда.
Хабар беришларича, Тартиб-интизом қўмитаси Моуриньонинг «Вест Хэм»га қарши AПЛ 10-тур учрашувидаги ҳаракатларини ўрганиб чиқиб, шундай қарорга келган.
Шу тариқа, Моуриньо 12-турда «Сток Сити» билан бўлиб ўтадиган ўйинни мухлислар орасида томоша қилади. Бундан ташқари, португалиялик мутахассис 40 минг фунт-стерлинг миқдорида жарима ҳам тўлайди.
Эслатиб ўтамиз, Жозе Моуриньо «Вест Хэм»га қарши ўйиннинг танаффуси чоғида ҳакамлар хонасига бостириб киришга урингани учун майдондан четлатилган эди. Ўша ўйинда «Челси» мағлубиятга учраган.