Toshkent aholisi ketma-ket uchinchi kun Rossiyaning O‘zbekistondagi elchixonasiga Metrojet aviakompaniyasining 31-oktabr kuni Misrdagi Sinay yarim orolida halokatga uchragan samolyoti yo‘lovchilariga ta’ziya belgisi sifatida gullar keltirmoqda, deb yozadi “Gazeta.uz”.
Rossiya diplomatik missiyasi eshigi oldida gullar, motam gulchambarlari, shamlar va maktublarni ko‘rish mumkin. O‘tkinchilar ham aviahalokat qurbonlari xotirasi hurmati uchun to‘xtab o‘tmoqda.
Eslatib o‘tamiz, Metrojet aviakompaniyasining Sharm-ash-Shayxdan Sankt-Peterburgga uchayotgan Airbus A321 layneri 31-oktabr, shanba kuni Misrning El-Arish shahridan 100 kilometr uzoqlikda quladi. Samolyot bortida bo‘lgan barcha 224 kishi (217 yo‘lovchi hamda ekipajning 7 a’zosi) halok bo‘ldi.
Izoh (0)