Покистон дунё давлатларини ядро дастурига босим ўтказмасликка чақирди. Мамлакат ташқи ишлар вазири Азиз Чоудри Исломободдаги халқаро анжуманда бунга даъват қилган, дея хабар беради «ТАСС».
«Покистон ядро арсенали тийиб туриш учун хизмат қилади, — дея таъкидлаган Чоудри. —Халқаро ҳамжамият Жанубий Осиёда иккиёқлама ёндошувларга барҳам бериши керак».
АҚШ Покистонни Жанубий Осиёда беқарорлик юзага келишининг олдини олиш учун ядро қуроли дастурини ривожлантиришни чеклашга чақирганидан сўнг вазир шундай баёнот берган.
У америкалик экспертларнинг Покистон 2025 йилга келиб атом электр станцияга эга дунёдаги бешинчи йирик давлат бўлиши тўғрисидаги хулосаларини ҳам инкор этди ва «бундай маърузалар жамоатчиликни Ҳиндистонда ядро манбалари захираси ортиб бораётганидан чалғитиш мақсадида тайёрланади», деб изоҳлади.
Изоҳ (0)