Birlashgan Arab Amirliklarining Abu-Dabi shahrida dzyudo bo‘yicha o‘tkazilayotgan “Ulkan toj” turkumiga kiruvchi xalqaro musobaqada erkaklar o‘rtasida 60 va 66 kilogrammgacha bo‘lgan vazn toifalarida g‘olib va sovrindorlar nomi ma’lum bo‘ldi. Bu haqda “Stadion.uz” xabar bermoqda.
O‘zbekiston vakillaridan Diyorbek O‘rozboyev 60 kilogrammgacha bo‘lgan vazn toifasida, Rishod Sobirov esa 66 kilogrammgacha bo‘lgan vazn toifasida bahslarga kirishib, bronza medallari egasiga aylandi.
Xabar berishlaricha, Diyorbek O‘rozboyev uchinchi o‘rin uchun bahsda armanistonlik Avanes Davidyanni, Rishod Sobirov esa germaniyalik Sebastyan Sidlni mag‘lub etdi.
Izoh (0)