O‘zbekistonlik kurashchi Artur Taymazov sportdagi karyerasini yakunlashi haqida e’lon qildi. Bu haqda kurash bo‘yicha uch karra olimpiada chempioni Sankt-Peterburgda bo‘lib o‘tgan VII “Sport. Odam. Salomatlik” xalqaro ilmiy kongressida ma’lum qildi, deb yozadi UZ24.
“Ko‘zimda o‘tkazilgan jiddiy operatsiya tufayli juda ko‘p vaqtni yo‘qotdim. Shifokorlar mashq qilishni taqiqlab qo‘ydi. Qolgan vaqt ichida Olimpiadada munosib ravishda qatnashish uchun tayyorgarlik ko‘rishga ulgurmayman. Sayyoh sifatida borishdan esa ma’ni yo‘q. Sportdagi karyeramni tugatib, ilm-fandagisini boshlashga qaror qildim”, — dedi Taymazov.
Buning uchun sportchi Rossiyaning P. F. Lesgaft nomidagi universiteti aspiranturasiga o‘qishga kirdi. Professor Boris Tarakanov rahbarligi ostida u oliy sinfdagi kurashchilarning individual tayyorgarligiga bag‘ishlangan dissertatsiya yozishni rejalashtirmoqda.
Izoh (0)