Irkutsk davlat universiteti Astronomiya rasadxonasining Tunkin vodiysida joylashgan avtomatik kuzatuv stansiyalari Baykal ko‘li yaqinida yorqin bolid (meteor)ni qayd etdi. “AiF” xabariga ko‘ra, fazoviy jism ko‘lga qulagan bo‘lishi mumkin.
Irkutsk planetariysining rasadxona ilmiy xodimi Kirill Ivanovga asoslanib ma’lum qilishicha, bolid Irkutsk vaqti bilan 22-oktabr kuni soat 20:29 da qayd etilgan.
Olimlarning hisob-kitoblariga ko‘ra, obyektning boshlang‘ich massasi bir kilogramm atrofida, o‘lchami esa 10 santimetrga yaqin bo‘lgan. Bolid 67,2 kilometr balandlikda qayd etilgan, 62,1 kilometrgacha pastlaganidan so‘ng nazardan yo‘qolgan.
https://www.youtube.com/watch?v=d7z1Y-MOu5s
Meteor taxminan Baykal ko‘li akvatoriyasida, ko‘l qirg‘og‘idan 1 kilometr, Bolshoye Goloustnoye posyolkasidan 17 kilometr masofada qulagan bo‘lishi mumkin.
Bolidni nafaqat IDU rasadxonasi xodimlari, balki internet-forumlarning foydalanuvchilari ham ko‘rgan — Xomutovo, Angarskdagilarning yozishicha, fazoviy jismning bir qismi ajralib chiqib, yonib ketgan, keyinroq ikkinchi qismi ham yonib ketgan.
Izoh (0)