Ko‘pchilik tunda kuzatiladigan kuchli bosh og‘rig‘idan shikoyat qiladi. Quyida shifokor tungi bosh og‘rig‘iga nima sabab bo‘lishi haqida ma’lumot beradi.
“Tungi bosh og‘rig‘i apnoe (nafasning vaqtincha to‘xtab qolishi, bruksizm — tishlarni uyquda g‘ichirlatish) va miya qon bosimining ko‘tarilishi bilan bog‘liq muammolar belgisi bo‘lishi mumkin. Shunday qilib, apnoe holatida uyqu vaqtida nafas olish vaqti-vaqti bilan to‘xtab qoladi. Miya kislorod yetishmasligini his qiladi va natijada ayniqsa ertalab, boshda og‘irlik yoki pulsatsiya bilan uyg‘onadi”, deydi shifokor.
Bruksizmda esa uyqu paytida jag‘ mushaklarining nazoratsiz qisqarishi hamda tishlarning g‘ichirlashi chakka yoki ensa sohasida zo‘riqishni keltirib chiqarishi mumkin.
“Miya ichi qon bosimi ko‘tarilganida bosh ayniqsa, yotgan holatda — aynan tunda yoki erta tongda qattiq og‘riydi. Uyg‘onib, vertikal holatga o‘tgandan so‘ng, og‘riq kamayishi mumkin. Biroq ayrim hollarda tungi bosh og‘rig‘i qandaydir muammolar oqibati emas, balki hech qanday patologiya bilan bog‘liq bo‘lmagan kasallik bo‘lishi mumkin.
Bunday holda, bu gipnotik, klaster bosh og‘rig‘i yoki migren bo‘lishi mumkin. Muntazam tungi bosh og‘riqlarni davolash uchun shifokorga murojaat qilish kerak: terapevt, nevrolog yoki somnologlar sizga bu borada yordam bera oladi. Shifokor tavsiyasiga ko‘ra, uyqu sifatini nazorat qilish, kislorod darajasini tahlil qilish yoki miya ichi qon bosimini tekshirish tavsiya etilishi mumkin”, dedi shifokor.
Izoh (0)