O‘zbekiston terma jamoasining sobiq futbolchisi Vitaliy Denisov Abbosbek Fayzullayevning Turkiya chempionatiga yo‘l olishi borasida izoh berdi.
Abbosbek uchun o‘tgan mavsum unchalik samarali bo‘lmadi, biroq u terma jamoa va klub safida muhim gollarni kiritdi. Shu bois bu transfer — ham “SSKA”, ham Abbosning o‘zi uchun foydali. Yangi jamoasi eng kuchli liga vakili bo‘lmasa-da, u yaxshi klubga o‘tyapti, — deydi Denisov “Sovetskiy Sport” nashriga bergan intervyusida.
Avvalroq 21 yoshli futbolchiga “Istanbul Bashakshehir” klubi qiziqish bildirayotgani haqida xabarlar tarqalgandi. Keyinchalik esa futbolchi tibbiy ko‘rikdan o‘tolmagani borasida mish-mishlar paydo bo‘ldi. Biroq “SSKA” klubi matbuot xizmati bergan ma’lumotlarga ko‘ra, Fayzullayev hali tibbiy ko‘rikdan o‘tmagan, shu sababli bu boradagi xabarlar haqiqatga mos emas.
Futbolchining transferidan “SSKA” 7,5 million yevro atrofida daromad olishi kutilmoqda.
Eslatib o‘tamiz, Fayzullayev 2024/25-yilgi mavsumda “SSKA” safida 39 ta o‘yin o‘tkazib, 3 ta gol va 8 ta golli uzatmani amalga oshirgan.
Izoh (0)