Namangan viloyatida sigir uy oldida o‘ynayotgan bolakay va uning onasini suzib, jarohat yetkazdi. Viloyat IIB holat yuzasidan ma’lumot berdi.
Ma’lum qilinishicha, holat Yangiqo‘rg‘on tumani “Barkamol” mahallasida yashovchi, 1968-yilda tug‘ilgan fuqaro A.O. o‘ziga tegishli bo‘lgan qoramollarni boshqa hududdagi yer uchastkasidan yashash uyiga olib kelayotgan vaqtda sodir bo‘lgan.
Qoramol uy oldida o‘ynab yurgan 2023-yilda tug‘ilgan X.R. va uni himoya qilmoqchi bo‘lgan onasi 1989-yilda tug‘ilgan fuqaro A.D.larni suzib, tan jarohati yetkazgan.
Yangiqo‘rg‘on tumanlararo sud-tibbiy ekspertizasining xulosasida fuqaro A.D.ga o‘rtacha og‘ir va voyaga yetmagan R.X.ga yengil tan jarohati yetkazilgani ko‘rsatilgan.
Respublika shoshilinch tibbiy yordam ilmiy markaz Namangan filialining bergan ma’lumotiga ko‘ra, jabrlanuvchilarga uyiga ruxsat berilib, hozirda uyida ambulator sharoitda davolanmoqda.
Mazkur holat yuzasidan Yangiqo‘rg‘on tumani IIB tomonidan tergovga qadar tekshiruv o‘tkazilmoqda.
Izoh (0)