Stiv Jobs oilasining iltimosiga binoan, uning Alta-Mesa xotira xiyobonidagi qabriga ism-sharifi qayd etilmadi, shu tufayli qabrning aniq joyi ma’lum emas, deb yozadi TJournal. Biroq bu fakt o‘z kumiri qabrini mustaqil ravishda qidirib topishga urinayotgan muxlislarni to‘xtatib qolmayapti.
Dunyoning turli burchaklaridan kelgan ishqibozlar Jobsning qabrini Palo-Altodagi eski qabristondan qidirishni uning o‘limidan bir necha hafta o‘tib, boshlab yuborgan edi.
Qabriston bosh menejeri so‘zlariga ko‘ra, Jobsning nomsiz mozorini topishga ishtiyoqmandlar shunchalik ko‘p kelganki, rahbariyat ofisga muxlislar o‘z qaydlarini tushirib ketadigan maxsus kitobni qo‘yib qo‘ygan. Kitobning birinchi jildi to‘lib bo‘lgan, u ma’muriyatda saqlanmoqda. Qaydlar mualliflari orasida Rossiya, Xitoy, Yaponiya, Braziliya, Fransiya, Buyuk Britaniya, Koreya va Indoneziyadan kelgan sayyohlar bor.
Izoh (0)