KXDR davlat xavfsizligi vazirligi yuqori lavozimli xodimi Janubiy Koreyaga qochib ketdi, deya xabar bermoqda “TASS” Seulning “Tona ilbo” gazetasiga tayanib. Uning manbalari ushbu hodisa shu yil sal avvalroq sodir bo‘lganini aytmoqda.
Davlat xavfsizligi vazirligi xodimi chet elda xizmat safarida bo‘lgan paytida Janubiy Koreyaga qochib o‘tgan. Ta’kidlanishicha, u hukumat vaziriga xos martabaga ega.
Nashr eslatishicha, avvalroq Janubiy Koreya razvedkasi so‘nggi uch yil ichida mamlakatga 46 nafar yuqori mansabli KXDR arboblari qochib o‘tganini, ular asosan chet eldagi vakolatxonalarda ishlaganini ma’lum qilgan edi.
Izoh (0)