Kremldagilar Rossiya prezidenti Vladimir Putin va uning suriyalik hamkasbi Bashar Asad o‘rtasidagi muzokaralar tafsilotlarini oshkor qilishdan bosh tortdi, deya xabar bermoqda “RBK”.
Davlat rahbarlari Asadning prezident lavozimidan ketishi va ehtimoliy siyosiy kafolatlarni muhokama qilgan-qilmagani haqida berilgan savolga javoban, Rossiya prezidenti matbuot kotibi Dmitriy Peskov: “Bunday tafsilotlarni albatta olib bo‘lmaydi”, — dedi.
Peskov Suriyada hududiy yaxlitlikni, siyosiy yaxlitlikni yo‘qotish xavfi hamon ustun bo‘lib turgan bir vaziyatda siyosiy tartibga solish haqida gapirishga to‘g‘ri kelmasligini ta’kidladi. Uning qayd etishicha, ayni paytda terrorchilik tashkilotlari bilan kurash birlamchi vazifadir, shundan keyingina siyosiy tartibga solish muammolaridan gap ochish mumkin.
Eslatib o‘tamiz, avvalroq Bashar Asad Moskvaga tashrif buyurgan, Putin u bilan Suriyada Rossiya harbiy-kosmik kuchlari operatsiyasining davom ettirilishi bilan bog‘liq masalalarni muhokama qilgan edi.
Keyinroq AQSh hukumati Suriya prezidenti Bashar Asad Rossiyada tashrif bilan qabul qilingani yuzasidan norozilik bildirdi.
Izoh (0)