“Reuters agentligi xabar qilgan Suriyada uch nafar rossiyalik (yoki rus harbiy xizmatchisi) halok bo‘lgani haqida ma’lumotga ega emasmiz. Bu yangilik navbatdagi ovozalarga o‘xshamoqda”, — deya ma’lum qildi Rossiyaning Suriyadagi elchixonasi vakillari. Bu haqda “RBK” xabar bermoqda.
Oldinroq agentlikka nomini oshkor etmagan suriyalik yuqori lavozimdagi mansabdor Latakiya shahri yaqinidagi Nabi Yunus hududida hukumat armiyasi marralarining jangarilar tomonidan o‘qqa tutilishi oqibatida kamida uch nafar rossiyalik halok bo‘lgani, yana bir nechasi jarohatlangani haqida xabar qilgan edi. Uning aytishicha, аrtilleriya hujumi paytida bu hududda kamida 20 nafar rossiyalik bo‘lgan.
Reuters Suriya rasmiylaridan ham, Rossiya mudofaa vazirligidan ham bu ma’lumot yuzasidan izoh ololmagan. Agar mazkur xabar tasdiqlangudek bo‘lsa, bu Rossiyaning Suriyadagi harbiy amaliyotlar boshlanganidan beri ilk odam yo‘qotishi bo‘ladi.
Izoh (0)