Malayziya poytaxti Kuala-Lumpurda ich terlama bilan kasallanish holatlari ko‘paydi, deya xabar bermoqda “TASS”.
Mahalliy hukumat ich terlamaga qarshi vaksina zaxirasi yetarli ekanini aytib, aholini tinchlantirmoqda. Mahalliy OAVlar yozishicha, kasallikning asosiy o‘chog‘i past malakali xorijiy ishchilar muhitidir.
Ilk ich terlama hollari avgust o‘rtalarida Kuala-Lumpur tashqarisidagi chet ellik ishchilar orasida qayd etilgan edi. Bugungi kunda kasallik davolash muassasalariga tibbiy yordam so‘rab murojaat qilganlarning 32 nafarida aniqlangan.
Mamlakat sog‘liqni saqlash vaziri so‘zlariga ko‘ra, ich terlama tarqalishining oldini olish uchun shaxsiy gigiyena qoidalariga qat’iy rioya qilish va shubhali ovqatlanish muassasalarida tamaddi qilishdan saqlanish lozim.
Izoh (0)