Sidneylik (Avstraliya) ikki nafar oyna yuvuvchi 12-qavat balandligidan o‘zlari ishlab turgan platforma bilan qulab tushdi. Bu haqda The Guardian xabar bermoqda.
Hodisa 20-oktabr, seshanba kuni ro‘y bergan. Ikki erkak binoning tashqarisida oyna yuvish uchun mo‘ljallangan metall belanchakda bo‘lgan payt uni ushlab turgan po‘lat arqon to‘satdan uzilib ketgan. Ishchilardan biri binoga kiraverishdagi soyabonga tushgan (keyinchalik uning ustiga platforma ham qulagan), ikkinchisi esa yerdan bir necha metr balandlikda po‘lat arqonga osilib qolgan.
Voqeaga guvoh bo‘lganlar shifokorlar yetib kelguncha jabrdiydalarga yordam ko‘rsatgan. Ulardan birining orqa suyaklari va ichki organlari shikastlangani, ikkinchisining esa og‘ir, ammo barqaror holatda ekanligi aytilmoqda.
Izoh (0)