Xitoy va Buyuk Britaniya bir-biriga ko‘proq bog‘liq bo‘lib bormoqda, ularni umumiy manfaatlar birlashtirib turibdi. Bu haqda Xitoy Xalq respublikasi raisi Si Szinpin Britaniya parlamentidagi chiqishi chog‘ida ma’lum qilgan, deya xabar beradi “TASS”.
Si Szinpin 23-oktabrga qadar davom etadigan tashrifi “mamlakatlar orasidagi do‘stlik aloqalarini yuqori darajaga ko‘tarishi, ikki davlat o‘rtasida hamkorlik rishtalarini bog‘lashi”ga umid bildirgan hamda Xitoy va Buyuk Britaniya munosabatlarini “yanada yorqin kelajak kutayotgani”ni bildirgan.
Parlamentdagi chiqishidan so‘ng Si Szinpin valiahd shahzoda Charlz bilan suhbatda bo‘lgan. Uning dasturida shahzoda Uilyam, muxolifatdagi Leyboristlar partiyasi yetakchisi Jeremi Korbin bilan muzokaralar ham ko‘zda tutilgan.
Xitoy rahbarining keyingi o‘n yillikdagi Buyuk Britaniyaga ilk davlat tashrifini qirolicha Yelizaveta II nomidan Bukingem saroyidagi ziyofat yakunlab beradi.
Izoh (0)