Medvedev: Rossiya Suriyada o‘z milliy manfaatlarini himoya qilmoqda

Rossiya bosh vaziri Dmitriy Medvedev so‘zlariga ko‘ra, mamlakat Suriyada harbiy operatsiyani o‘z milliy manfaatlarini ko‘zlab o‘tkazmoqda. Bu haqda “Gazeta.ru” xabar berdi.

Hukumat rahbari Rossiya mamlakat “qonuniy prezidenti” Bashar Asadni himoya qilish bilan shug‘ullanmayotgani, mamlakat hukmdorini saylash masalasini Suriya xalqi hal qilishi kerakligini ta’kidladi.

“Shuning uchun, albatta, biz ma’lum bir yetakchilar uchun kurashmayapmiz, biz o‘z milliy manfaatlarimizni himoya qilmoqdamiz”, — deya ta’kidladi Medvedev.

U Vladimir Putinning terrorchilar Suriyada yo‘q qilinmasa, ular Rossiyaga kelishi haqidagi gapidan iqtibos keltirdi.

Medvedev Suriyada harbiy operatsiya o‘tkazish uchun mamlakat “qonuniy hukumati”ning murojaati borligini qo‘shimcha qildi.