Dog‘istonda imomni o‘ldirishga aloqador bo‘lgan jangarilar yo‘q qilindi

Dog‘istonda bo‘lib o‘tgan aksilterrorchilik operatsiyasi davomida to‘rt nafar jangari yo‘q qilindi. Bu haqda Rossiya Milliy aksilterrorchilik qo‘mitasining axborot markazi tomonidan berilgan ma’lumotga asoslanib, “Kommersant.ru” xabar beradi.

“MAQ tezkor shtabining kuchlari tomonidan Dog‘iston Respublikasida amalga oshirilayotgan tezkor qidiruv tadbirlari davomida Xasavyurt tumanining Qurush qishlog‘i atrofida jangarilar borligi haqidagi xabar olindi. Sodir bo‘lgan harbiy to‘qnashuv natijasida to‘rt nafar jangari bartaraf etildi. MAQ tezkor shtabida mavjud bo‘lgan manbalarga asosan jangarilar xasavyurtlik to‘da deb atalmish tuzilmaga a’zo bo‘lib, joriy yilning sentabr oyida qishloq masjidi imomi Magomed Xidirovni qatl etishga aloqador bo‘lgan”, — deyiladi taqdim etilgan bayonotda.

Masjid imomi Magomed Xidirov 9-sentabr kuni otib ketilgan edi.