Hindistonning Andxra-Pradesh shtati Kandukur shahri yaqinida 17-oktabr, shanba kuni to‘y marosimi qatnashchilarini olib ketayotgan mikroavtobus boshqa bir avtobus bilan to‘qnashib ketdi. Bu haqda “RIA Novosti” xabar bermoqda.
Times of India’ning qayd etishicha, yo‘l-transport hodisasi (YTH) natijasida 13 kishi halok bo‘lgan, 10 kishi tan jarohati olgan. Nashr ma’lumotlariga ko‘ra, halok bo‘lganlarning uch nafari bolalardir. Mikroavtobus ichida jami 40 kishi bo‘lgani aytilmoqda.
“Mikroavtobusning 13 yo‘lovchisi hodisa joyining o‘zida vafot etgan. To‘qnashuvdan so‘ng avtobus yonib ketgan. Haydovchi va uning sherigi hodisa joyidan yashiringan. Avtobusda yo‘lovchilar bo‘lmagan. Jarohatlangan Ongol shahri kasalxonasiga yuborilgan”, — deydi Kandukur shahri politsiyasi vakili.
Izoh (0)