Ҳиндистоннинг Андхра-Прадеш штати Кандукур шаҳри яқинида 17 октябрь, шанба куни тўй маросими қатнашчиларини олиб кетаётган микроавтобус бошқа бир автобус билан тўқнашиб кетди. Бу ҳақда «РИА Новости» хабар бермоқда.
Times of India’нинг қайд этишича, йўл-транспорт ҳодисаси (ЙТҲ) натижасида 13 киши ҳалок бўлган, 10 киши тан жароҳати олган. Нашр маълумотларига кўра, ҳалок бўлганларнинг уч нафари болалардир. Микроавтобус ичида жами 40 киши бўлгани айтилмоқда.
«Микроавтобуснинг 13 йўловчиси ҳодиса жойининг ўзида вафот этган. Тўқнашувдан сўнг автобус ёниб кетган. Ҳайдовчи ва унинг шериги ҳодиса жойидан яширинган. Автобусда йўловчилар бўлмаган. Жароҳатланган Онгол шаҳри касалхонасига юборилган», — дейди Кандукур шаҳри полицияси вакили.
Изоҳ (0)