Yil boshidan buyon Yevropaga O‘rtayer dengizi orqali 593 432 nafar muhojir va qochoq keldi, deya xabar bermoqda “Korrespondent.net” Xalqaro migratsiya tashkilotiga tayanib.
Muhojir va qochoqlarni eng ko‘p Gretsiya qabul qilgan (454 ming kishi), ikkinchi o‘rinda Italiya (136 ming kishi). Xabarlarga ko‘ra, muhojirlarning ko‘pchiligi Suriyadan kelgan.
Ta’kidlanishicha, Gretsiyaga asosan urush va quvg‘indan qochayotgan kishilar, Italiyaga esa nizolar, repressiv rejim, shuningdek, qashshoqlik kabilardan jon saqlayotgan odamlar boradi.
Muhojirlar oqimi hamon to‘xtamayapti. So‘nggi to‘rt kun ichidayoq Yevropadagi muhojir va qochoqlar soni 13 ming kishiga oshgan. Shu bilan birga, uch ming nafar muhojir Yevropa qirg‘oqlariga yetib olishga urinish chog‘ida dengizda halok bo‘lgan.
Izoh (0)