«Россия» брендининг қиймати бир йилда 31 фоизга қадрсизланди. Бу ҳақда, Brand Finance компанияси мутахассислари томонидан тайёрланган миллий брендларнинг йиллик рейтингига асосланиб, Meduza хабар бермоқда.
2015 йилда «Россия» брендининг қиймати 810 миллиард долларга баҳоланди ва рейтингнинг 18-поғонасидан жой олди. Бир йил аввал 12-ўринда бўлган мазкур бренднинг қиймати 1,167 триллион долларга тенг эди.
«Россия» бренди сўнгги бир йил ичида энг кўп қадрсизланган брендлар учлигидан ўрин олди. Учликка Украина миллий брендлари бошчилик қилаётган бўлса (45 фоизга қадрсизланган), Перу иккинчи бўлган (33 фоизга қадрсизланган).
2015 йилда энг тез ўсган миллий бренд сифатида «Эрон» қайд этилган — унинг қиймати бир йил ичида 59 фоизга ўсиб, 159 миллиард долларни ташкил этди.
Жаҳоннинг энг қиммат миллий бренди мақомини Қўшма Штатлар ўзида сақлаб қолди. Brand Finance мутахассислари «АҚШ» брендини 19,7 триллион долларга баҳолади, бу бир йил аввалгига нисбатан 500 миллиард долларга қиммат.
Рейтингда учинчи ўринни 6,3 триллион долларлик баҳо билан «Хитой», учинчи ўринни эса 4,1 триллион доллар билан «Германия» миллий брендлари эгаллади.
Изоҳ (0)