AQShda BMTdagi korrupsiya holati bo‘yicha jinoyat ishi qo‘zg‘atildi

AQSh huquqni muhofaza qilish organlari Makaodagi ko‘chmas qurilishi bo‘yicha loyihalarni qo‘llab-quvvatlash evaziga BMT amaldorlari orasida poraxo‘rlik yuz bergani gumoni ostida tergov harakatlarini boshladi. Bu haqda Meduza xabar bermoqda.

Manxetten prokuraturasi va Federal qidiruv byurosi olib borayotgan tergov ma’lumotlariga ko‘ra, xitoylik ishbilarmonlar Makaodagi qurilishlar ma’qullanishi uchun pora bergan. Xususan, pora olgan BMT amaldorlari orasida Karib havzasi mamlakatlari vakillari bor. Korrupsion sxema qanday ishlagani, kimga va aynan nima uchun pora berilgani ma’lum qilinmayapti.

“Manbalarning tasdiqlashicha, o‘tgan oyda Makaodan kelgan developer va uning yordamchisining hibsga olinishi aynan shu ish bilan bog‘liq. 6-oktabr, seshanba kuniyoq ularga, shuningdek, BMTning bir qator hozirgi va sobiq amaldorlariga nisbatan yangi ayblovlar e’lon qilinishi kutilmoqda”, — deya xabar bermoqda The Wall Street Journal.

19-sentabr kuni AQShda makaolik developer Devid Ng va uning yordamchisi Jeff Yin so‘nggi ikki yil davomida ular AQShga olib kelgan jami 5 million dollar naqd pulning aynan nima maqsadda sarflagani asl sabablarini yashirganlikda ayblanib, hibsga olingan. Tadbirkorlarning advokatlari ularning aybsizligini ta’kidlamoqda.