Quyoshda ro‘y beradigan anomaliya 6-oktabr kechki paytdan e’tiboran sayyoramizda magnit bo‘roni boshlanishiga sabab bo‘ladi. Mazkur bo‘ron 7-oktabrda ham kun bo‘yi davom etadi. Bu haqda “Korrespondent.net” xabar bermoqda.
“Quyosh gardishining chorak hajmiga teng koronal o‘radan chiqib keladigan yuqori tezlikdagi shamol oqimi 6-oktabr kechki payt Yerga yetib keladi, — deya izoh berdi Rossiyaning Yer magnetizmi, ionosfera va radioto‘lqinlar tarqalishi instituti laboratoriya mudiri Anatoliy Belov. — Quyoshning “qorong‘i tomoni” yarim yil oldin shakllanib bo‘lgan. U Quyosh sayyoramizga shu tomoni bilan o‘girilganda, taxminan 27 sutkada bir marta Yerga ta’sir ko‘rsatadi”.
Izoh (0)