Facebook ijtimoiy tarmog‘i asoschisi Mark Sukerberg XXR raisi Si Szinpin bilan uchrashuv paytida tug‘ilajak qiziga xitoycha ism qo‘ymoqchi ekanligini aytganida, Xitoy yetakchisi unga “yo‘q” deb javob bergan. Bu haqda The New York Post bergan ma’lumotga asoslanib, “Gazeta.ru” xabar bermoqda.
AQSh prezidenti Barak Obama tashkillashtirgan bayram tanovuli munosabati bilan Sukerberg Xitoy rahbari Si Szinpin bilan uchrashdi. Stol atrofida IT-sohasining ko‘zga ko‘ringan vakillari bo‘lmish Apple kompaniyasining bosh direktori Tim Kuk va Microsoft kompaniyasi boshlig‘i Satya Nadella ham bo‘lgan. Sukerberg marosimga homilador rafiqasi Prissilla Chan bilan borgan.
Ma’lum bo‘lishicha, Sukerberg Si Szinpin bilan xitoy tilida gaplashgan. Xitoy rahbari “yo‘q” deyishdan tashqari bu katta mas’uliyat bo‘lishini ham qo‘shimcha qilgan.
Izoh (0)