Facebook ижтимоий тармоғи асосчиси Марк Цукерберг ХХР раиси Си Цзиньпин билан учрашув пайтида туғилажак қизига хитойча исм қўймоқчи эканлигини айтганида, Хитой етакчиси унга «йўқ» деб жавоб берган. Бу ҳақда The New York Post берган маълумотга асосланиб, «Газета.ru» хабар бермоқда.
АҚШ президенти Барак Обама ташкиллаштирган байрам тановули муносабати билан Цукерберг Хитой раҳбари Си Цзиньпин билан учрашди. Стол атрофида IT-соҳасининг кўзга кўринган вакиллари бўлмиш Apple компаниясининг бош директори Тим Кук ва Microsoft компанияси бошлиғи Сатья Наделла ҳам бўлган. Цукерберг маросимга ҳомиладор рафиқаси Приссилла Чан билан борган.
Маълум бўлишича, Цукерберг Си Цзиньпин билан хитой тилида гаплашган. Хитой раҳбари «йўқ» дейишдан ташқари бу катта масъулият бўлишини ҳам қўшимча қилган.
Изоҳ (0)