Saudiya Arabistoni oliy muftiysi hech kim 24-sentabr, payshanba kuni Makkadagi 700 dan ziyod kishining o‘limiga sabab bo‘lgan tiqilinch oldini ololmagan bo‘lishini aytdi, deya xabar bermoqda “Korrespondent.net”.
U, shuningdek, haj bo‘yicha qo‘mitani boshqaruvchi ichki ishlar vaziri, valiahd shahzoda Muhammad bin Nayyefga uning fojia uchun mas’ul emasligini aytgan.
Eron va boshqa bir qator mamlakatlar Saudiya Arabistoni hukumatini ziyoratchilar uchun zarur xavfsizlik choralarini ta’minlamaganlikda ayblamoqda.
So‘nggi ma’lumotlarga qaraganda, hodisa natijasida qurbon bo‘lganlar soni 769 kishini, jabrlanganlar esa 934 kishini tashkil qilmoqda.
Eslatib o‘tamiz, tiqilinch haj marosimlaridan biri — shaytonga tosh otish vaqtida ro‘y bergan. Marosim vaqtida 100 minglab odamlar bir joyga to‘planib qolgan va tartibsiz harakat qilgan.
Izoh (0)