Liviyada mazkur mamlakat armiyasining sobiq zobiti va Yevropaga muhojirlarni noqonuniy olib o‘tish bilan shug‘ullangan jinoiy guruh yetakchisi Saloh al-Maskut o‘ldirildi. Bu haqda “Kommersant.ru” xabar bermoqda.
Sobiq zobit va yana sakkiz nafar jangari 25-sentabr, juma kuni Tripolida o‘ldirilgan. Ular Kalashnikov avtomatlari bilan qurollangani qayd etilmoqda.
Italiya tashqi ishlar vazirligi mamlakat maxsus xizmatlari al-Maskutning o‘limiga aloqadorligini inkor etdi. “Italiya TIV OAVda tarqalgan italyan maxsus xizmatlarining Liviyadagi amaliyotga daxldor ekanligi to‘g‘risidagi xabarlarni rad etadi”, — deya ta’kidlanadi vazirlik saytida.
Izoh (0)