Avstraliya sudi Facebook’dagi do‘stlari qatoridan chetlatishni tahqirlashga tenglashtirdi. Avstraliyalik Reychel Robertsning shikoyatidan so‘ng boshlangan muhokamalar natijasiga ko‘ra, shunday qaror qabul qilingan. Ayol hamkasbi Liza Berd bilan g‘ijillashib qolgach, u Reychelni ijtimoiy tarmoqdagi do‘stlari qatoridan chiqarib tashlagan, deya xabar bermoqda “Vesti.ru”.
Mazkur hodisa shu yil yanvar oyida ro‘y bergan. Ayollar ofisda janjallashib qolgan va Roberts ko‘zda yosh bilan idorani tark etgan. Shundan so‘ng hamkasbi bo‘lib o‘tgan mojaro to‘g‘risida nima yozganligini bilish uchun Facebook’ka kirganida Berd uni do‘stlar ro‘yxatidan chiqarib tashlaganiga guvoh bo‘lgan. Robertsning aytishicha, hamkasbining bunday harakati uni tushkunlikka tushirib qo‘ygan. Ustiga-ustak, Liza uning sha’niga teguvchi qo‘pol so‘zlardan ham foydalangan emish.
Avstraliya mehnat munosabatlari komissiyasi Berdda Robertsni do‘stlar safidan chiqarishga asos bo‘lmagan va hamkasbi uning tomonidan tahqirlangan, deb topdi. Ayolga buning uchun qanday chora ko‘rilishi noma’lum.
Izoh (0)