Австралия суди Facebook’даги дўстлари қаторидан четлатишни таҳқирлашга тенглаштирди. Австралиялик Рейчел Робертснинг шикоятидан сўнг бошланган муҳокамалар натижасига кўра, шундай қарор қабул қилинган. Аёл ҳамкасби Лиза Берд билан ғижиллашиб қолгач, у Рейчелни ижтимоий тармоқдаги дўстлари қаторидан чиқариб ташлаган, дея хабар бермоқда «Вести.ru».
Мазкур ҳодиса шу йил январь ойида рўй берган. Аёллар офисда жанжаллашиб қолган ва Робертс кўзда ёш билан идорани тарк этган. Шундан сўнг ҳамкасби бўлиб ўтган можаро тўғрисида нима ёзганлигини билиш учун Facebook’ка кирганида Берд уни дўстлар рўйхатидан чиқариб ташлаганига гувоҳ бўлган. Робертснинг айтишича, ҳамкасбининг бундай ҳаракати уни тушкунликка тушириб қўйган. Устига-устак, Лиза унинг шаънига тегувчи қўпол сўзлардан ҳам фойдаланган эмиш.
Австралия меҳнат муносабатлари комиссияси Бердда Робертсни дўстлар сафидан чиқаришга асос бўлмаган ва ҳамкасби унинг томонидан таҳқирланган, деб топди. Аёлга бунинг учун қандай чора кўрилиши номаълум.
Изоҳ (0)