Rossiya futbol Premyer ligasi prezidenti Sergey Pryadkin “Lokomotiv” himoyachisi Vitaliy Denisov uchrashuv vaqtida nojo‘ya so‘z ishlatgan bo‘lishiga qaramasdan, nima uchun faqat jarima bilan jazolangani haqida fikrini bildirib o‘tdi. Bu haqda “Uff.uz” xabar bermoqda.
“O‘yin vaqtida hissiyotlarni jilovlab olish juda qiyin. Bundan qochib qutulib bo‘lmaydi. Vitaliyning gapi esa biror kishiga qaratilmagan edi. Men buni bilmayman. Albatta bu holat Denisovga obro‘ olib kelmasligi aniq. Shunday bo‘lsa-da, aytish lozim, Vitaliy – yaxshi inson va yaxshi futbolchi.
Garchi hissiyot bilan aytilgan bo‘lsa-da, bunga qarshi kurashish lozim. Bizda ba’zi klub rahbarlari ham o‘zini tutib tura olmaydi. Men hozir tribunalardagi so‘kinishlar haqida gapirmoqdaman. Stadionlarga ko‘proq ayollar, bolalar, butun boshli oilalar kelishini istaymiz. Shunday ekan, hissiyotni jilovlay bilish kerak”, — deydi Pryadkin.
Eslatib o‘tamiz, Vitaliy Denisov o‘yin vaqtida zaxira o‘rindig‘ida o‘tirganlar tomon nojo‘ya haqorat so‘zini aytgani uchun 60 ming rubl jarimaga tortilgan.
Izoh (0)