Moskva shahar Tver tumani sudi xodimlari qizining ustiga issiq qahva to‘kib yuborgan McDonald’s fast-fud restorani ustidan shikoyat qilgan erkakning da’vosini qisman qondirdi. “Gazeta.ru” xabariga ko‘ra, restoran da’vogarga yetkazilgan ma’naviy zarar uchun 300 ming, sud xarajatlarini qoplash uchun esa 20 ming rubl miqdorida jarima to‘lashi kerak.
Erkak o‘z da’vosida McDonald’s restoranlari tarmog‘idan 5 million rubl talab qilgan edi. Da’vogar Aleksey Karelov bu pullarni xayriya jamg‘armalariga yo‘naltirishni rejalashtirmoqda. “Hozir xotinim bilan bu pullarni aynan qaysi jamg‘armaga topshirish ustida bosh qotiryapmiz”, — dedi Karelov.
Avvalroq hisobchi o‘yinchoq-suvenirni uzatish vaqtida moskvalik Aleksey Karelovning uch yoshli qizi ustiga issiq qahvani to‘kib yuborgani sabab, Karelov sudga shikoyat qilgani ma’lum bo‘lgandi. McDonald’s vakillari ma’naviy zararni qoplash uchun jabrlanuvchiga 100 ming rubl to‘lab berishni taklif qilgan.
Izoh (0)