Нью-Йоркда истиқомат қилувчи Жейсон ва Келли Фенли мутлақ ўхшаш эгизаклар — Майлз, Ноа ва Оуэн Фенлининг ота-онасига айланди. Бу ҳақда «Nur.kz» хабар бермоқда.
Уч эгизакнинг икки ёшли акаси Эйден уларнинг барчасини бир исм билан чақиришга қарор қилди. Эгизаклар тахмин қилинган санадан икки ой аввал туғилди. Уларнинг ҳар бири 1,3 килограмм оғирликда, шунингдек, тўла соғлом ва кучли ҳолатда туғилди.
Қайд этишларича, бундай мутлақ бир хил эгизакларнинг туғилиши ҳар 50 миллион ҳолатнинг фақат биттасида юз беради. «Баъзи одамлар лотереяда пул ютуғини қўлга киритади. Биз эса генетик лотерея совриндорларига айландик ва бундан жуда хурсандмиз», — деди эгизакларнинг отаси, 38 ёшли адвокат Жейсон Фенли.
Унинг турмуш ўртоғи, алоҳида эҳтиёжлари бор болалар мактабида ўқитувчилик қилувчи 33 ёшли Келли ўз эгизакларини сақлаб қолиш учун, туғуруқдан аввал 50 кун давомида шифохонада ётди. Болаларни фарқлаш учун ота-она уларнинг оёқ тирноқларини турли ранглар билан бўяб қўйди.
Изоҳ (0)