Qozog‘iston prezidenti Nursulton Nazarboyev mahalliy tadbirkorlarni ishlab chiqarishni kuchaytirishga va mahsulotlarni “Qozog‘istonda ishlab chiqarilgan” yorlig‘i bilan chiqarishga chaqirdi. Bu haqda Tengrinews xabar bermoqda.
Misol tariqasida Nursulton Nazarboyev o‘zini “Qozog‘iston mahsulotlarining harakatdagi reklamasi” deb atadi. “Ustimdagi kostyum Qozog‘istonniki”, — dedi Nazarboyev va pidjakning ostidagi tegishli etiketkani ko‘rsatdi. Qo‘shimchasiga: “Tuflim ham Qozog‘istonniki”, — dedi.
Shu bilan birga Qozog‘iston rahbari qo‘lini birinchi qatorda o‘tirgan investitsiyalar va taraqqiyot vaziri Aset Isekeshevga uzatib: “U kiyib o‘tirgan kostyum ham Qozog‘istonniki”, — dedi. Bunga javoban vazir boshini tasdiq ma’nosida qimirlatib qo‘ydi.
Izoh (0)