Ukraina xavfsizlik xizmati Italiya sobiq bosh vaziri Silvio Berluskonining mamlakat hududiga kirishini taqiqlab qo‘ydi. Bu haqda “Korrespondent.net” xabar bermoqda.
“14-sentabr kuni Italiya fuqarosi Silvio Berluskoniga nisbatan, mamlakatimiz xavfsizligini ta’minlash manfaatlaridan kelib chiqib, keyingi uch yil davomida uning Ukraina hududiga kirishini taqiqlash haqida qaror chiqarildi”, — deyiladi UXX bayonotida.
Eslatib o‘tamiz, sentabrda Berluskoni shaxsiy tashrif bilan Qrimda bo‘lib, Rossiya prezidenti Vladimir Putin bilan uchrashgan edi.
Ma’lumot uchun, iyul oyi oxirida Ukraina Madaniyat vazirligi mamlakatni qo‘llab-quvvatlagan chet elliklarning “Oq ro‘yxati”ni e’lon qilgandi. Avvalroq e’lon qilingan “qora ro‘yxat”dan butun dunyodan jami 600 nafar madaniyat arbobi, xususan, Jerar Depardye, Nikita Mixalkov, Iosif Kobzon o‘rin olgan.
Izoh (0)