Bostonda (AQSh) joylashgan Yangi Angliya okeanariumi olimlari Amerikaga Osiyodan olib kelingan Uzoq Sharq toshbaqalari (ularni Xitoy trioniksi deb ham atashadi) mamlakat ekologiyasiga o‘nglab bo‘lmas zarar keltiradi, degan xavotirda. Bu haqda “TASS” xabar bermoqda.
Tadqiqotchilar ko‘plab miqdorda baliq, mollyuska va hasharotlarni iste’mol qiladigan bu jonivorlarning mintaqada tabiiy dushmanlari yo‘qligi tufayli haddan ziyod ko‘payib, mavjud ekologik tizimga jiddiy ziyon yetkazishi mumkinligini aytmoqda.
Ma’lum bo‘lishicha, ushbu turga mansub toshbaqalarni Boston janubida ko‘rishgan, ularni mahalliy aholi qo‘yib yuborgan bo‘lishi mumkin. Ekologlar AQSh hududida Xitoy trionikslarini ozodlikka chiqarish qat’iyan taqiqlanganini eslatmoqda.
Izoh (0)