Hindiston janubidagi Karnataka shtatida Duranto tezyurar poyezdi relsdan chiqib ketishi oqibatida kamida ikki kishi halok bo‘ldi, sakkiz kishi tan jarohati oldi. Bu haqda “TASS” xabar bermoqda.
“G‘arbiy temiryo‘llar” boshqarmasi ma’lumotlariga ko‘ra, poyezd Kallburgi stansiyasi yaqinida, mahalliy vaqt bilan 02:00 atrofida izdan chiqib ketgan.
Poyezdni qayta izga tushirishga muvaffaq bo‘lingan va u o‘z yo‘nalishi bo‘ylab harakatda davom etgan. Temiryo‘lning ishdan chiqqan qismi shoshilinch ravishda qayta tiklanmoqda, yaqin vaqt ichida poyezdlar harakati qayta tiklanadi. Avariya sabablari o‘rganilmoqda.
“G‘arbiy temiryo‘llari” boshqarmasi fojia qurbonlarining qarindoshlari va yaqinlariga hamdardlik bildirib, tovon puli to‘lanishini e’lon qildi. Halok bo‘lganlarning oila a’zolariga 200 ming rupiy (taxminan 3 ming dollar), jabrlanuvchilarga esa 50 ming rupiy (taxminan 770 dollar)dan beriladi.
Izoh (0)