Nepalda politsiya bilan yuz bergan to‘qnashuvlar natijasida besh nafar namoyishchi va bir politsiya xodimi halok bo‘ldi. Bu haqda “TASS” xabar bermoqda.
Agence France-Presse agentligi ma’lumotlariga ko‘ra, politsiya “navbatdagi marta” o‘qotar quroldan foydalanishga majbur bo‘lgan.
24-avgust kuni Hindustan Times gazetasi Nepal g‘arbida mamlakatning yangi konstitutsiyasi loyihasiga qarshi norozilik namoyishi vaqtida tartib posbonlari va namoyishchilar o‘rtasida yuz bergan to‘qnashuvlar natijasida sakkiz politsiyachi halok bo‘lgani haqida xabar bergandi.
So‘nggi bir necha kun ichida qurbonlar soni 30 kishidan oshib ketdi.
Izoh (0)