Biznesmen va AQSh prezidentligiga nomzod Donald Tramp NBC telekompaniyasidan “Dunyo go‘zali” go‘zallik tanlovini o‘tkazish huquqini to‘liq sotib oldi, deya xabar bermoqda Tengri News milliarderning Twitter’iga tayanib.
“Hozirgina ‘Dunyo go‘zali’ning NBC’ga tegishli yarmini sotib oldim va sudga bog‘liq barcha kelishmovchiliklarni hal etdim. Endi 100 foiziga egalik qilaman”, — deb yozdi Tramp. Xarid summasi oshkor etilmayapti.
Bungacha milliarderga “Dunyo go‘zali” tashkilotining yarmi tegishli bo‘lgan, qolgan yarmiga NBC telekanali egalik qilgan. Telekompaniya biznesmenning muhojirlar haqidagi gapi uchun u bilan aloqalarini uzishga qaror qilgach, sudlashishni boshlagan edi.
Izoh (0)