Vostochniy kosmodromi qurilishi uchun Rossiya budjetidan ajratilgan mablag‘larning kamida 5,4 milliard rubli talon-taroj qilingan. Bu haqda Meduza xabar bermoqda.
Tergov ma’lumotlariga ko‘ra, mablag‘larni o‘g‘irlashda nafaqat “Dalspetsstroy” rahbarlari, balki ularning qo‘l ostidagilar ham qatnashgan. Xususan, gumonlanuvchilar orasida qurilish tashkiloti filiallaridan birining sobiq bosh hisobchisi ham bor.
Jinoyat ishi yuzasidan tergov harakatlari davom etmoqda. Tergov Rossiyaning 20 dan ortiq subyektlari hududini qamrab olgan”, — deya, tergov tafsilotlaridan xabardor manbaga asoslanib, “Interfaks” xabar bermoqda.
Huquqni muhofaza qilish organlari Amur viloyatidagi Vostochniy kosmodromi qurilishi bilan bog‘liq bir necha jinoyat ishlari bo‘yicha tergov olib bormoqda. Shunday ishlarning biri doirasida “Dalspetsstroy” korxonasi sobiq rahbari Yuriy Xrizman va uning bir necha xodimi kosmodrom qurilishi uchun ajratilgan mablag‘larning kamida 1,8 milliard rublini o‘zlashtirganlikda ayblanmoqda.
Vostochniy kosmodromi qurilishi bilan bog‘liq yana bir necha jinoyat ishlari bo‘lib, ular qurilishga jalb etilgan ishchilarning maoshlari to‘lanmagani bilan bog‘liq. Mazkur jinoyat ishlari bo‘yicha bir qator pudratchi tashkilotlarning rahbarlari hibsga olingan.
Izoh (0)