Qirolicha Yelizaveta II taxtda bo‘lib turish borasida Britaniya hukmdorlari o‘rtasida mutloq rekord o‘rnatdi: qirolicha Viktoriyaning 63 yil, 7 oy va 2 kunga teng natijasi 9-sentabr, chorshanba kuni tarixga aylandi. Bu haqda "TASS" xabar bermoqda.
Mazkur voqea munosabati bilan tantanalar 53 mamlakatni o‘z ichiga oluvchi Britan Hamdo‘stligining ko‘pgina mintaqalari, jumladan, Tinch okeanidagi Tuvalu orol-davlatida ham nishonlanishi ko‘zda tutilgan.
Shotlandiyadagi chiqishi chog‘ida qirolicha “bu sana bilan bog‘liq dabdabali tantanalarga hech qachon intilmagani, ammo fuqarolarining samimiy munosabatlaridan ko‘ngli ko‘tarilgani”ni ta’kidlab o‘tgan.
Yelizaveta II davridagi hisob bo‘yicha o‘n ikkinchi bosh vazir bo‘lgan Devid Kemeron “qirolicha hukm surgan 63 yil mobaynida Britaniya monarxiyasi doimiy o‘zgaruvchi dunyoda barqarorlik hududi bo‘lib qolgani”ni aytib o‘tgan.
Izoh (0)