Xorijdagi hisob raqamlarda muzlatib qo‘yilgan Eronga tegishli jami mablag‘lar miqdori 92 milliard dollarga teng. Bu haqda, Eronning Financial Tribune gazetasiga asoslanib, “TASS” xabar bermoqda.
Moody’s xalqaro reyting agentligining Eron bank sektori istiqbollariga bag‘ishlangan hisobotida qayd etilishicha, Eronga nisbatan sanksiyalar bekor qilinishi bilan, mamlakatning muzlatib qo‘yilgan mablag‘larini yarmi Eron davlat banklarini rekapitalizatsiyasi uchun yo‘naltiriladi yoki mamlakatdagi infratuzilmaviy loyihalarga qayta sarmoya sifatida kiritiladi.
Moody’s prognozlariga ko‘ra, Eron iqtisodiyoti diversifikatsiyasiga, katta ehtimol bilan, Eron banklari yaqin aloqa o‘rnatib ulgurgan BAA va Livan kabi mamlakatlarning moliya institutlari jalb qilinadi. Bundan tashqari, Xitoy, Hindiston va bir qator G‘arb mamlakatlari banklari bilan ham istiqbolli moliyaviy munosabatlar o‘rnatilishi mumkin, deb taxmin qilinmoqda.
Izoh (0)