“Roma”, “Real”, “Bavariya” va “Eybar” qochoqlarni qo‘llab-quvvatlash maqsadida xayriya ishlari bilan shug‘ullanmoqda. Bu haqda “Sport Express” xabar bermoqda.
Avvaliga Germaniyaning “Bavariya” klubi qochoqlar uchun 1 million yevro ajratdi. Keyin esa Ispaniyaning “Real” jamoasi ham shuncha miqdorda muhojirlarga yordam puli ajratishini e’lon qildi. Ispaniyaning yana bir klubi “Eybar” esa “Atletiko” bilan o‘yindagi har bitta chipta sotuvidan tushgan 5 yevroni qochoqlarga yordam berish fondiga yuboradi.
Italiyaning “Roma” klubi qochoqlarga yordam berish uchun butun boshli fondni tashkil etishga qaror qildi. Dastlabki to‘lovni klubning o‘zi amalga oshiradi. Rimliklar boshqa jamoalarga ham ushbu fondga baholi qudrat yordam berishni taklif qilmoqda.
Izoh (0)